Marc Cucurella është një nga simbolet e Spanjës kampione të botës. Mbrojtësi i majtë, i cili sezonin e ardhshëm do të luajë me Real Madridin, njihet jo vetëm për paraqitjet në fushë, por edhe flokët e tij karakteristikë.

Ditët e fundit u përhap pretendimi se ai nuk i pret flokët që djali i tij ta njohë gjithmonë në televisor, por kjo nuk është e vërtetë. Djali i madh i Cucurella, Mateo, i lindur në vitin 2019, është diagnostikuar me çrregullimin e spektrit të autizmit dhe futbollisti ka folur shpesh për sfidat e familjes, por kurrë nuk ka thënë se flokët lidhen me këtë arsye.

Historia e vërtetë vjen nga fëmijëria. Ishte nëna e tij, Patricia Saseta, ajo që vendosi t’ia mbante flokët të gjata. Teksa ndiqte ndeshjet e djalit, shpesh bisedonte me prindërit e tjerë në tribunë dhe donte ta dallonte menjëherë në fushë.

Vetë Cucurella e ka shpjeguar këtë zgjedhje: “Nëna ime më dallonte nga flokët. Tashmë ato janë pjesë e imja. Ky është stili im dhe kështu do të mbetet”.

Kështu, flokët që e kanë bërë ikonik nuk lidhen me një histori të kohëve të fundit, por me një ide të thjeshtë dhe praktike të nënës së tij, e cila pa e ditur krijoi një nga tiparet më të dallueshme të mbrojtësit spanjoll.