Mesfushori anglez Mason Mount pritet të jetë një nga lojtarët kryesorë të Manchester United këtë sezon, ku shpreson të jetë protagonist pas një sezoni të fundit të vështirë, si pasojë e dëmtimit.

Duke folur për mediat, ai tha: “Ne e dimë se çfarë mund të bëjmë si grup dhe mendoj se e treguam këtë në fund të sezonit të kaluar. Ne patjetër kemi një grup që mund të fitojë trofe dhe kjo është gjëja më e rëndësishme”.

“Ne do të vazhdojmë të përpiqemi ta bëjmë këtë dhe të qëndrojmë të përqendruar në atë objektiv. Ky është Manchester United dhe ne duhet ta vendosim stekën sa më lart që të mundemi, me vetëdije se sa i lartë është”, tha Mount.

Më tej, 25-vjeçari tha: “Tani është koha të tregojmë se çfarë mund të bëjmë. Duhet të sjellim sa më shumë trofe në shtëpi, të fitojmë sa më shumë ndeshje. Ky është qëllimi ynë për të gjithë grupin. Ne jemi padyshim të gjithë në të njëjtën linjë”.