Barcelona ka bërë një ofertë të tretë për yllin e Leipzig, Dani Olmo, këtë herë duke rritur shumën e tarifës fikse. Pala gjermane kishte refuzuar me shpejtësi dy propozimet e para të katalanasve.
Sot u raportua se Barcelona kishte rënë dakord për një marrëveshje me Olmo, dhe Fabrizio Romano ka konfirmuar se lojtari do të nënshkruajë një marrëveshje gjashtëvjeçare me klubin spanjoll nëse ata mund të arrijnë një marrëveshje me Leipzig.
Barcelona kishte bërë një ofertë të dytë me vlerë 65 milionë euro, e përbërë nga 50 milionë euro si tarifë fikse, dhe më pas 15 milionë euro të tjera në bonuse.
Tani oferta e tyre e tretë përbëhet nga 55 milionë € tarifë fikse, 4 milion € në objektiva të lehtë për t’u përmbushur dhe 3 milion € të tjera për bonuse më ‘të vështirë’.
Një çështje për të cilën ka ende pak qartësi janë kushtet e pagesës. Barcelona dëshiron të shpërndajë pagesat në shumë vite, ndërsa Leipzig dëshiron të marrë pjesën më të madhe të parave brenda vitit të ardhshëm.
Besohet se ata do të hidhen në sulm për Francisco Conceicao të Porto-s nëse marrëveshja për Olmo-n nuk arrihet, me 26-vjeçarin që i jep përparësi një lëvizjeje te Barcelona.
