Trajneri i Barcelona-s, Hansi Flick, nuk ka qenë plotësisht i kënaqur me ekipin e tij pas fitores 2-1 kundër Real Madrid në miqësoren e zhvilluar në SHBA.

“Fitorja kundër Real Madrid? Të them të drejtën, ne nuk bëmë presing gjatë gjithë 90 minutave. Ky është një problem”, tha Flick.

“E dinim se ishte një Clasico edhe pse jemi në fazën përgatitore. U thashë lojtarëve të mi se duhet të shikojmë një përmirësim në fushë në krahasim me ndeshjen e bërë kundër Manchester City-t. Mendoj se bëmë një punë të mirë.

“Në disa situata gabojmë dhe nuk bëjmë presing ndaj lojtarit që ka topin. Kjo nuk mund të ndodhë. Ky është një problem. Duhet të përqendrohemi te kjo gjë dhe ta bëjmë presing gjatë gjithë ndeshjes”.

Barcelona, që e mbylli sezonin e kaluar të La Liga-s në vendin e dytë mbrapa Real Madrid, do të kthehet në fushë të martën për t’u përballur me Milan-in në Baltimore.