Edhe pse asnjë afrim të ri këtë merkato vere, të paktën deri më tani, skuadra e Liverpool po bën një paraqitje të mirë në miqësore, duke i fituar të trija ato që ka luajtur. Më e fundit, 3-0 ndaj rivalëve të Manchester United.

Trajneri i Liverpool, Arne Slot, pas kësaj sfide deklaroi: “Jemi shumë të kënaqur me rezultatin dhe shënuam gola shumë të bukur. Por nuk mendoj se kishim kontroll të mjaftueshëm mbi lojën sepse United po na kërcënonte më shumë se disa herë”.

“Sigurisht që rezultatet janë aty ku të gjithë mund t’i shikojnë. Gjithsesi, lojtarët qëndruan në formë dhe ata janë në gjendje të performojnë në mënyrën se si duam ne, pra një lojë me intensitet të lartë”, u shpreh Slot.

“Ne pamë disa gola të mrekullueshëm gjatë këtij turneu, disa situata të shkëlqyera ndërtimi dhe i shoh lojtarët duke punuar shumë, shumë për të mos pësuar gola, që është thelbësore”, u shpreh trajneri i “reds”.

“Ne duhet të punojmë shumë në dy javët e ardhshme për të qenë gati për ndeshjen e parë në kampionat ndaj Ipsëich. Ka shumë gjëra pozitive për të marrë nga sot, por gjithashtu, siç thashë, ne dhamë shumë shanse kundërshtarit”, tha Slot.