Laurent Blanc, trajneri i Al Ittihad, foli në zonën mikse, në stadiumin “U-Power” të Monza, pas fitores 2-0 ndaj Interit në miqësore. Më poshtë janë deklaratat e tij, të raportuara nga “FcInterNews”:
“Ishte një ndeshje e mirë, Interi ka shumë lojtarë të talentuar. Dy skuadrat janë duke u përgatitur, të mos e harrojmë këtë. Jam i kënaqur me mënyrën se si ekipi im dëshiron të luajë. Tani kemi edhe disa ditë punë para fillimit të sezonit. Interi do të jetë padyshim një ekip i mirë për t’u ndjekur këtë vit.
Çfarë më pëlqen nga ky Inter? Gjithçka, edhe trajneri, edhe tifozët. Një ekip i madh, një klub i madh. Zikaltrit fituan kampionatin sezonin e kaluar, janë ende favoritë. Thuram? Eshtë rritur shumë tek Interi”.
