Luke Shaw do të humbasë fillimin e sezonit të Premier League pas një tjetër dëmtimi. Mbrojtësi i majtë anglez, i cili nuk ka luajtur për Manchester United që nga shkurti dhe paraqitja e vetme e të cilit në gjashtë muajt e fundit ishte Euro 2024, pati një problem me pulpë në stërvitje.

Mungesa e tij për ndeshjen hapëse të kampionatit, atë kundër Fulhamit, por edhe për sfidat ndaj Brighton e Liverpool, është konfirmuar. Një tjetër alarm dëmtimi që bie te “djajtë e kuq”, pasi pas ndalesave të Leny Yoro dhe Rasmus Hojlund.

Trajneri Erik ten Hag do ta gjejë veten disi në vështirësi në sfidat e para, pavarësisht mbërritjes së Matthijs de Ligt. Sipas klubit, Shaë do të rikthehet në fushë pas pusshimit për ndeshjet e ekipeve kombëtare në shtator.

“Luke Shaw do të humbasë ndeshjet e para të Premier League për shkak të një dëmtimi të pulpës, së pësuar në fillim të stërvitjes parasezonale. Ai po punon shumë për rehabilitimin e tij për të qenë i disponueshëm pas pushimit të parë ndërkombëtar”, thuhet në komunikatë.