Erik Ten Hag po e bën zakon të mbështetet te miqtë e tij të vjetër nga ditët e tij në drejtim të Ajax-it.

Trajneri i Manchester United vulosi transferimin e dy ish-yjeve të tjerë të Ajax-it këtë javë duke e çuar shpenzimin e tij total për ish-lojtarëte tij në 236.8 milionë £ (rreth 275 milionë euro).

United njoftoi blerjet e Matthijs de Ligt dhe Noussair Mazraoui në një operacion të dyfishtë me Bayern Munich të martën.

Dyshja bavareze kaloi vitet e tyre formuese duke u zhvilluar nën drejtimin e Ten Hag në Amsterdam dhe tani janë ribashkuar me holandezin në Old Trafford.

De Ligt dhe Noussiar bashkohen me tre ish-yje të tjerë të Ajax-it, të cilët janë transferuar në Teatrin e Ëndrrave që nga 2022 kur Ten Hag mori drejtimin e ekipit.

Matthijs de Ligt – 45 milionë £

Matthijs de Ligt punoi nën Ten Hag në ndoshta ekipin e tij më të suksesshëm tek Ajax.

Qendërmbrojtësi u bë kapiten nga Ten Hag kur ai ishte vetëm 19 vjeç dhe luajti një rol kyç në skuadrën e Ajax-it 2018/19 që tronditi botën duke arritur në gjysmëfinalen e Champions League.

Që kur u largua nga Ajax në verën e vitit 2019, De Ligt ka luajtur si për Juventusin ashtu edhe për Bayern Munich, duke mos arritur të arrijë nivelet e treguar te klubi holandez.

Por një rikthim në sistemin e njohur në të cilin ai lulëzoi rreth pesë vjet më parë mund të ndihmojë në rigjallërimin e karrierës së 25-vjeçarit.

Noussair Mazraoui – 12.8 milionë £

Mazraoui, 26 vjeç, u largua nga Bayern Munich së bashku me De Ligt për të punuar përsëri me Ten Hag.

Marokeni ishte pjesë e skuadrës së fundit të Ajax-it të Ten Hag përpara se trajneri të largohej nga Amsterdami për të marrë drejtimin e United.

Mazraoui është emri më i lirë në listën e ish-lojtarëve që Ten Hag ka bindur të transferohen në Old Trafford.

Andre Onana – 47 milionë £

Portieri Andre Onana i kushtoi United verën e kaluar 47 milionë £ – një tarifë që e bën atë portierin e tretë më të shtrenjtë në histori.

Onana u mor nga Interi, por kishte qenë pjesë e skuadrës së Ajax-it të Ten Hag përpara se të kalonte në Itali.

Portieri i Kamerunit ishte njeriu mes shtyllave gjatë ecurisë së Ajax-it në Champions League nën drejtimin e Ten Hag dhe do të jetë në një mjedis të njohur me lojtarin e ri De Ligt përsëri përpara tij.

Lisandro Martinez – 46 milionë £

Lisandro Martinez është padyshim blerja më e suksesshme në këtë listë me mbrojtësin një nga lojtarët më të mirë të United kur është në formë.

Martinez i kushtoi Djajve të Kuq 46 milionë £.

Mbrojtësi qendror bëri 120 paraqitje nën Ten Hag përpara se të kalonte te Man Utd.

Antony – 86 milionë £

Antony bëri 79 paraqitje nën Erik ten Hag te Ajax, duke grumbulluar 42 gola në atë kohë.

Kjo do të shpjegonte një farë mënyre sesi trajneri i Man Utd arriti t’i bindte drejtuesit në Old Trafford që të paguanin 86 milionë £ për brazilianint në vitin 2022.

Që nga mbërritja në Manchester Antony ka luajtur 82 ndeshje, duke realizuar vetëm 16 gola me peshën e çmimit astronomik të paguar për të.