Yllii Chelseat, Mykhaylo Mudryk thotë se është gati për sezonin e ri.

Ukrainasi është i sigurt se do të gjejë formën e tij më të mirë nën trajnerin e ri Enzo Maresca.

“Njerëzit nuk e kanë parë më të mirën time”, tha Mudryk për chelseafc.com.

“Unë punoj shumë brenda dhe jashtë fushës. Ndonjëherë dëshiron diçka me shumë ngulm, por vetëm në kohën e duhur do të ndodhë.

“Mund të përpiqesh shumë, kështu që duhet të gjesh një ekuilibër midis kësaj dhe mos të bërit asnjë përpjekje. Kur gjendet ky ekuilibër, arrihet suksesi. Jam i bindur se do të shihni më të mirën nga unë me kalimin e kohës”.

Për Maresca-n, Mudryk tha: “Më pëlqen sepse stili ynë i lojës është shumë i ngjashëm me atë që të gjithë, dhe unë gjithashtu, dëshirojmë të luajmë,” thotë ai. “Ne mund të tregojmë cilësinë tonë nën drejtimin e tij.

“Stili i tij i lojës do të më ndihmojë, me siguri. Mënyra se si do të luajmë do të jetë vërtet interesante këtë sezon dhe shpresoj se do të jemi të suksesshëm. Le t’i besojmë procesit dhe pastaj të shijojmë ndeshjet.

“Nuk dua të bëj ndonjë parashikim për veten time”, shton Mudryk kur pyetet se çfarë dëshiron të arrijë.

“Unë fokusohem vetëm në objektivat e ekipit, dhe duke punuar shumë, duke pasur durim, besoj se suksesi do të vijë”.