Trajneri i Barcelona-s, Hansi Flick, është i kënaqur me fillimin e sezonit.
Flick foli përpara ndeshjes Real Valladolid.
“Ne fituam tre ndeshjet e para, por ka gjëra që duhet t’i përmirësojmë dhe ne do të përpiqemi ta bëjmë këtë kundër Valladolid, që mbrohet shumë mirë dhe është i shpejtë në sulm”.
– Jeni i befasuar nga fillimi i sezonit të Real Madridit?
“Do të jetë një sezon i gjatë dhe nuk jam i fokusuar te Real Madridi. Jam i fokusuar te Barça, gjë që ka rëndësi për mua. Jemi të fokusuar në punën tonë. Po bëjmë mirë, lojtarët janë në formë, të freskët dhe stërviten shumë mirë.”
– Cila është ideja juaj për të zëvendësuar Marc Bernal?
“Ne kemi dy opsione. Për sa i përket pozicionit, Casado ose Eric, të cilët mund të luajnë në mesfushë. Eric do të preferonte të luante në mbrojtje, por gjëja më e rëndësishme është ekipi dhe jo individi”.
– Çfarë mendoni për shortin e Champions League?
“Ne ishim mjaft të befasuar nga shorti. Rivalët që do të luajmë janë interesantë, janë dy gjermanë. Por tani jam i fokusuar në ndeshjen e radhës”.
– Ndihesh si njeriu i momentit?
“Unë nuk jam këtu për të folur për veten time. Ne kemi një mentalitet të veçantë, shumë të mirë. Jam shumë i lumtur me lojtarët: pas fitores kundër Rayos dhe pas dëmtimit të Marc pashë dashurinë ndaj tij.
“Ata janë shumë të bashkuar, të gjithë punojnë bashkë dhe kjo është shumë e rëndësishme. Ka një ekip, mentalitet, qëndrim. Ne vetëm me këtë mentalitet do të fitojmë. Duhet të punojmë si ekip, të bashkuar në mbrojtje dhe në sulm”.
– Si është Frenkie de Jong?
“Shpresoj se ai nuk duhet t’i nënshtrohet një operacioni. Është duke u stërvitur shumë mirë dhe ka bërë një hap përpara. Ne duhet të shohim se si do të evoluojë situata. Shpresoj se ai mund të kthehet pas pushimit, por nuk mund ta them me siguri. Mjekët janë kujdesur shumë për të”.
– A mund të jetë Fermin titullar tani?
“Fermin mund të jetë një tetë ose një dhjetë. Ai ka një cilësi të madhe. Ai erdhi më vonë se të tjerët dhe kjo është arsyeja pse ai luajti më pak. Sezoni është i gjatë dhe ai na tregoi se çfarë mund të bëjë. Ai duhet të pranojë faktin se ndoshta nuk do të luajë nga fillimi, por ai është një lojtar i madh”.
