Manchester City do të jetë në gatishmëri pasi Jamal Musiala refuzoi të përjashtojë mundësinë e largimit nga Bayern Munich kur t’i skadojë kontrata.

Me maestron e mesfushës së Cityt, Kevin De Bruyne, që i afrohet vitit të fundit të kontratës së tij, kampionët në fuqi të Premier League tashmë po shohin përpara drejt së ardhmes.

Belgu, i cili ka qenë i rëndësishëm në dominimin e Cityt gjatë dekadës së fundit, është lidhur me një lëvizje në Ligën Pro Saudite pasi kontrata e tij aktuale të skadojë në stadiumin Etihad në verën e vitit 2025, gjë që e ka lënë Pep Guardiola-n në kërkim të pasuesit të tij.

Drejtuesit e Cityt besojnë se Musiala ka talentin dhe potencialin për të marrë vendin e De Bruyne dhe duhet të jenë të lumtur të dinë se gjermani nuk ia ka mbyllur derën për një transferim të ardhshëm në Angli.

Kur u pyet për kontratën e tij me Bayern, e cila skadon në qershor 2026, Musiala tha për Welt Am Sonntag:

“Jam shumë i lumtur te Bayern dhe plotësisht i fokusuar tek objektivat e klubit. Të luaj jashtë vendit si Bellingham? Nuk po mendoj se ku do të jem pas pesë vitesh. Gjërat gjithmonë mund të ndryshojnë shpejt në botën e futbollit”.

Kontrata e Musiala me klubin bavarez skadon në qershorin e 2026-ës dhe 21-vjeçari ka një vlerë 130 milionë euro në merkato.