Pas zhgenjimit me kombetaren e Shqiperise ne humbjen ndaj Gjeorgjise ne Nations League, Rey Manaj direkt eshte futur ne vrullin e kampionateve dhe sot Sivasspor ka arritur fitore me rezultat 3-2 ndaj Gaziantepit në kuadër të javës së pestë në elitën e futbollit turk.
Një ndër lojtarët që la shenja në këtë takim ishte edhe sulmuesi shqiptar i cili ia doli të gjejë rrugën e rrjetës. Po zhvillohej minuta e 32-të e takimit, kur Manaj arriti që të realizojë për të barazuar shifrat në 1-1 pasi mysafirët kishin kaluar paraprakisht në avantazh në minutën e gjashtë.
Ky ishte goli i parë i Manajt këtë sezon me Sivassporin pas pesë ndeshjeve të zhvilluara në kampionat. Fatkeqësisht për 27-vjeçarin, ai u detyrua që të largohej nga fusha në minutën e 42-të për shkak të një lëndimi të pësuar që ia pamundësoi ta vazhdonte ndeshjen.
Mbetet të shihet se cila është shkalla e këtij lëndimi dhe se a do të jetë ai i gatshëm për takimin e radhës ndaj Konyasporit. Kujtojmë se gjatë verës Manaj ishte përflitur për një largim të mundshëm nga Turqia, megjithatë ai vendosi që të qëndronte tek Sivasspori.
Sezonun ilk golünü attı, BG Grup 4 Eylül Stadı’nı ayağa kaldırdı. #ReyManaj ❤️
📲 #SVSvGFK | #GösterGücünü pic.twitter.com/eLJ4jrCDKs
— Sivasspor (@Sivasspor) September 14, 2024
