Merkato e Barcelonas ka nisur dhe trajneri Xavi Hernandez ka dhënë aprovimin e tij tek drejtori sportiv Deco, për të nënshkruar me mesfushorin e Betisit, Guido Rodriguez.
30-vjeçarit i skadon kontrata në fund të këtij sezoni, por ai ka arritur marrëveshje me blaugranasit dhe do të transferohet si lojtar i lirë. Fituesi i Kupës së Botës me Argjentinën ka qenë në bisedime me Betisin për rinovimin e kontratës tash e disa muaj, por pasi dështuan që të gjejnë gjuhën e përbashkët, Barcelona u pajtua për një marrëveshje me Rodriguez, pasi agjenti ia ofroi Barcelonës shërbimet e tij.
Fabrizio Romano tani po raporton se Xavi ka dhënë dritën e gjelbër për blerjene Rodriguez, i cili me paraqitjet e tij te Betisi ka dëshmuar se mund të jetë i dobishëm për blaugranasit.
Rodriguez pritet që të zë vendin e Oriol Romeut, i cili me shumë mundësi do të largohet nga Barcelona një vit pasi u transferua te katalanasit. Xavi e kishte humbur besimin tek Romeu në gjysmë të sezonit, dhe pikërisht për këtë arsye ai ishte detyruar që detyrën e mesfushorit mbrojtes t’ia ngarkojë Andreas Christensenit.
🔵🔴🇦🇷 Xavi Hernández has approved Guido Rodriguez as new Barça signing for the next season.
The manager has already told Deco that Guido could be a good solution, a player who can be needed for Barça’s plan next season.
🤝🏻 Two year deal + option agreed, still waiting to sign. pic.twitter.com/fnKT2Xat6K
— Fabrizio Romano (@FabrizioRomano) May 13, 2024
