Stefano Pioli nisi sonte aventurën e re si trajner i Al Nassr dhe tashmë ka arritur fitoren e parë. Ish-trajneri i Milanit bëri debutimin e tij këtë mbrëmje në shtëpinë e Al-Ettifaq të drejtuar nga Steven Gerrard. Rezultati? Një fitore dërrmuese me rezultatin 0-3 ne transferte arriti falë golave të Cristiano Ronaldos, Salem dhe Talisca.
Kampioni portugez shënoi golin e parë nga pika e bardhë e penalltise para se Al Nassr te dyfishonte dhe trefishonte. Një fillim i jashtëzakonshëm për Piolin që mundi një ekip që kishte tre ndeshje radhazi.
Kamerat e televizorëve të ndryshëm regjistronin çdo lëvizje të vetme të Piolit në stol. Ish-trajneri i Milanit po kalon eksperiencën e parë jashtë Italise dhe sigurisht nuk e priste kurrë një fillim të tillë.
Trajneri italian u pa duke u ndalur për një kohë të gjatë duke biseduar me Cristiano Ronaldon. Të dy folën shumë për të diskutuar masat e ndryshme që do të merreshin në fushë dhe menjëherë u duk se ishin në harmoni të madhe. Portugezi e njeh shumë mirë Piolin me të cilin është përballur si kundërshtar kur trajneri ishte në krye të Milanit.
