Ka ndodhur gjithçka në Real Madrid-Espanyol dhe sigurisht polemikat do të vazhdojnë gjatë gjithë javës.
Gjithçka për faj të arbitrit të ndeshjes, që ka humbur kontrollin në minutat e fundit.
Në minutën e 80-të ka ndëshkuar me karton të verdhë Jude Bellingham për protesta, pasi mesfushori anglez ka rënë në tokë pas një përlasje me Gragera-n.
Ylli i Real-it ka kërkuar me ngulm një goditje dënimi.
Arbitri ka fërshëllyer, por jo në favor të Los Blancos. Në atë moment, pas protestave të dukshme të lojtarit, arbitri Munuera Montero e ka ndëshkuar me karton të verdhë dhe Bellingham ka reaguar ashpër duke i thënë: “Je një copë m***”.
Telekamerat kanë kapur gjithçka dhe pamjet nuk lënë vend për interpretim. Megjithatë, arbitri duket se nuk e ka dëgjuar dhe nuk i ka treguar kartonin e kuq, siç parashikon rregullorja.
Disa javë më parë, gjithmonë gjatë një ndeshje të La Liga-s, Saul i tha “Je i dobët” arbitrit Muniz Ruiz, që ka shkruar gjithçka në raportin e tij dhe lojtari u skualifikua për dy ndeshje.
Bellingham mund të ndëshkohet nga gjykatësi sportiv.
Jude Bellingham to the referee: “You are a piece of shit.”pic.twitter.com/fda5jzkOW8
— Total Football (@TotalFootbol) September 22, 2024
