Lamine Yamal ka marrë shumë elozhe që kur bëri debutimin e tij me Barcelona-n në prillin e 2023-shit.

Lojtari 17-vjeçar konsiderohet të jetë një lojtar i klasit botëror falë paraqitjeve të tij.

Ikona e Spanjës David Silva është një nga të shumtët që është mahnitur nga Lamine Yamal.

Siç tha për Diario AS, ai ka shpresa shumë të mëdha për sulmuesin adoleshent të krahut, megjithëse ai e kupton gjithashtu se do të jetë e ndërlikuar të ruhet – madje edhe të tejkalohet – niveli që ai po tregon aktualisht.

“Nuk ka asnjë si ai sot. Ai është një futbollist shumë i ri dhe megjithatë luan me vetëbesim të jashtëzakonshëm.

“Le të shpresojmë që të vazhdojë kështu, sepse ai ka potencialin të jetë një nga më të mirët në histori, edhe pse ne tashmë e dimë se ruajtja e atij niveli është e komplikuar. Por ai ka talent dhe cilësi të jashtëzakonshme”.

Silva gjithashtu tha fjalën e tij për kombëtaren spanjolle, pas suksesit të tyre në Euro 2024 në verë.

Besimi i tij është se ata janë më se të aftë për të pasur një brez tjetër të artë, si ai ku bënte pjesë edhe vetë 38-vjeçari.

“Ata patën një kampionat europian fantastik. Me futboll të mirë, ndeshje dominuese… Na dhanë gëzim të jashtëzakonshëm. E merituan ta fitonin atë nga ndeshja e parë deri në të fundit.

“De la Fuente ka krijuar një grup të madh me shumë të rinj, por edhe me veteranë të nevojshëm”.