Man United fitoi 3-2 ndaj Newcastle dhe kthehet te suksesi.Ishte Mainoo ai i cili zhbllokoi takimin, duke u dhënë avantazhin vendasve me golin e realizuar në minutën e 31’ dhe bëri që pjesa e parë të mbyllej me rezultatin 1-0. Fraksioni i dytë rezultoi më intensiv, me Gordon që barazoi për miqtë në minutën e 49’.
Megjithatë në minutën e 57’ Diallo riktheu avantazhin te “Djajtë e Kuq”. Goli i sigurisë për ekipin e Erik ten Hag u realizua nga Hojlund në minutën e 84’. Ishte nje nate emocionuese dhe e fundit per kete sezon ne Old Trafford, teksa dhane lamtumiren e tyre edhe Varane dhe Martial te cileve nuk do t’iu rinovohet kontrata me Djajte e Kuq.
Sakaq, Trajneri Erik Ten Hag (i cili pritet të shkarkohet ne fund te sezonit) mbajti diskutim sonte në Old Trafford drejuar tifozeve dhe duke i falenderuar dhe premtuar maksimumin per fitimin e Kupes FA, pasi finalja do te luhet ndaj Manchester City.
“Në emër të lojtarëve, stafit dhe vetes time, do të doja t’ju falënderoja të gjithëve për mbështetjen e shkëlqyer gjatë sezonit. Siç e dini, nuk ishte një sezon i lehtë, por një gjë mbeti konstante, dhe kjo ishte mbështetja juaj për ekipin.
Por ky sezon nuk ka përfunduar ende. Së pari luajmë ndaj Brighton dhe shkojmë përsëri për tre pikë, dhe më pas shkojmë në Wembley.
“Ju premtoj se këta lojtarë do të japin gjithçka. Gjithçka për të përfunduar mirë, për të fituar kupën dhe për ta sjellë atë në Old Trafford.
“Dhe ne jemi të sigurt që do të jeni atje, duke na mbështetur. Faleminderit që jeni mbështetësit më të mirë në botë. Faleminderit!”
