Nuk përbën asnjë sekret fakti që Cristiano Ronaldo është shumë i vëmendshëm ndaj edukimit që po iu jep fëmijëve të tij, veçanërisht të parëlindurit të tij të dashur, Cristiano Jr: shumë dashuri, por edhe rregulla të ngurta, që formojnë karakterin e tyre.

Pesë herë fituesi i “Topit të Artë” ua bën të qartë se asgjë nuk duhet marrë si e dhënë, ngaqë babai i tyre është një nga futbollistët më të famshëm (dhe më të pasur) në histori, por mbi të gjitha gjithçka duhet fituar, djersitur, marrë me punë e sakrifica. “Fëmijët e mi e kanë gjithçka të lehtë, por duhet të jenë të përulur. Duhet të punojnë shumë”, – tha pak kohë më parë kampioni portugez 39-vjeçar.

14-vjeçari Cristiano Jr. është një kapitull i ndarë. Ronaldo sheh veten tek ai, djali luan në ekipin e të rinjve të Al Nassr. Babai po përpiqet ta modelojë atë në imazhin dhe ngjashmërinë e tij, si një video që i tregon ata së bashku ndërsa hanë mëngjesin bashkë, sapo zgjohen. Djali është i përgjumur, thotë se është i lodhur, sepse nuk ka fjetur shumë. Pesë herë fituesi i “Topit të Artë” i thotë se do të shkojnë në stërvitje, një orë kardio dhe një orë pesha.

Ja dialogu mes Ronaldos dhe Cristiano Jr. në mëngjes:

“Po më zë gjumi”, – nis Cristiano Jr., me të atin përballë, në anën tjetër të tryezës së mëngjesit.

Ronaldo: Je i lodhur?

Cristiano Jr: Pak

Ronaldo: A fjete vonë?

Cristiano Jr: Jo, nuk fjeta vonë, por u zgjova herët

Ronaldo: Pse u zgjove shpejt? Për shkak të erës?

Cristiano Jr: Mateo (vëllai 7 vjeç) më zgjoi. Çfarë do bëjmë tani?

Ronaldo: Pesha dhe kardio

Cristiano Jr: Sa kohë?

Ronaldo: Një orë pesha dhe një orë kardio. Janë tri grupe ushtrimesh nga dy minuta, gjashtë sete gjithsej. Dy minuta rikuperim dhe e bëjmë përsëri

Cristiano Jr: No he dormido apenas, he madrugado y estoy muy cansado 😪

Cristiano: OK vamos a hacer 1 hora de musculación y 1 hora de cardio 👍🏻 pic.twitter.com/JOtT8jmupK

— gam (@mbapadre) October 8, 2024

Ky është programi i stërvitjes së Ronaldos, i cili automatikisht bëhet edhe i djalit të tij Cristiano Jr., pavarësisht përgjumjes dhe lodhjes. Pamjet më pas i shfaqin të dy në palestrën private të vilës së bomberit portugez, me babain që ndjek djalin e tij teksa bën një seri ushtrimesh për muskujt e shpinës.

“Unë dua t’i jap atij më të mirën, – tha Ronaldo në të kaluarën, duke folur për djalin e tij, Cristiano Jr. – Gjithashtu dua që të vuajë pak si unë për t’u bërë ai që dëshiron të jetë. Ai është gjithashtu shumë i talentuar si futbollist, por dua ta motivoj, ta shtyj përpara,  sikurse kam bërë vetë. Një pjesë e obsesionit tim është të fitoj”.

Një mësim që është më i vendosur se kurrë ta shkruajë në ADN-në e të birit, në mëngjeset e tilla njëri pas tjetrit…