Sulmuesi i Athletic Bilbao, Nico Williams, ka komentuar fërshëllimat e arra nga tifozët e Barcelona-s gjatë ndeshjes së La Liga-s në fillimin e sezonit.

Spanjolli pranoi se ishte i befasuar nga ajo që ndodhi, por ka këmbëngulur se nuk është një punë e madhe.

Kujtojmë se Nico Williams ishte shumë i lidhur me një lëvizje te Barcelona gjatë merkatos së verës, pasi shkëlqeu përkrah Lamine Yamal me Spanjën në Euro 2024.

Sulmuesi përfundimisht refuzoi të transferohej te gjigantët katalanas për të qëndruar në San Mames.

Tifozët Blaugrana mbetën të zhgënjyer me vendimin e lojtarit dhe vendosën ta shprehin pakënaqësinë e tyre duke e fërshëllyer lojtarin kur dy klubet u ndeshën në La Liga në gusht.

Djemtë e Hansi Flick fituan ndeshjen 2-1.

Duke reflektuar mbi episodin gjatë një interviste të fundit me El Mundo, Williams tha:

“U habita, nuk do të gënjej. Por nuk i dhashë shumë rëndësi sepse kur shkon në fushën e një rivali është normale që njerëzit të të fërshëllejnë, por këtë herë ishte personale”, tha ai.

“Nuk është një punë e madhe, mendoj se është gjithashtu argëtuese për sa kohë që nuk është fyese. Të fërshëllehesh është thelbi i futbollit dhe unë e marr atë shumë mirë,” shtoi ai.

Nico Williams nuk e ka nisur shumë mirë sezonin e ri. Sulmuesi ka shënuar vetëm një gol dhe ka dhënë një asist në nëntë ndeshje për Athletic Bilbao.