Hansi Flick po merr vetëm lajme të mira në muajin tetor, ndryshe nga shtatori dhe gushti, kur shumë lojtarë u dëmtuan dhe nuk mund të aktivizoheshin nën urdhërat e tij.
Pas rikuperimeve të Ansu Fatit dhe Frenkie De Jong, të cilët kanë kaluar dëmtime serioze, radhën për t’u kthyer në fushë e ka një lojtar absolutisht titullar.
Bëhet fjalë për qendërmbrojtësin uruguaian Ronald Araujo, i cili pritet të jetë gati për lojë në ndeshjen klasike me Real Madrid, më e rëndësishmja e vitit 2024.
Lojtarë të tjerë që po rikthehen janë Gavi, Fermin Lopez dhe Dani Olmo, të tre mesfushorë shumë të rëndësishëm për formacionin katalanas.