Real Madrid fitoi 2 me 1 kundër Celta Vigos: Mbappe dhe Vinicius ndihmuan Los Blancos të kapin vendin e parë ndërsa presin ndeshjen e Barcelona-s sot në mbrëmje, kundër Sevillas.

Në fund të ndeshjes, në konferencën për shtyp foli trajneri Carlo Ancelotti.

Nisur nga ndryshimi i sistemit të lojës, me mesfushën në formën e rombit:

“Ajo për të cilën nuk punuam ishte humbja e topit. Ne vuajtëm në fillim dhe duhet ta rregullojmë këtë sepse qendërmbrojtësit ishin shumë të hapur dhe ne e humbëm topin në qendër.

“Ne mund të luajmë si gjithmonë, me Tchouameni në mesin e qendërmbrojtësve”.

Më pas trajneri pyetet për një Bellingham që u shfaq i zemëruar me Vinicius: “Nuk e kam parë. Më duket një gjë e mirë, tregon karakter, që ai ka guxim. I pashë duke folur me njëri-tjetrin. Nuk mendoj se kanë probleme”.

Më pas për pozicionin e Bellingham: “Pozicioni i Bellinghamit ka ndryshuar. Më pëlqeu shumë.

“Ai ishte i kujdesshëm. Tchouaméni luajti mes mesfushës dhe mbrojtjes dhe atje patëm një problem ekuilibri në pjesën e parë, bëra një gabim që nuk u shpjegova mirë lojtarëve se çfarë duhej të bënin”.

Së fundi për Modric: “Luka gjithmonë jep kontributin e tij, ai ka një cilësi kaq të madhe sa që na ndihmon gjithmonë dhe ka qenë shumë i rëndësishëm.

“Ai është një futbollist fantastik. Ai nuk është një fëmijë, por ai është një profesionist i jashtëzakonshëm. Është fat për Real Madridin që e ka këtë lojtar”.