Në përplasjet e drejtpërdrejta mes skuadrave të mëdha europiane, ndoshta nuk ka ekzistuar kurrë një çekuilibër kaq i madh sa ai që shfaqet në ndeshjet e fundit mes Barcelonës dhe Bayern Munich.
Nga ai rezultat mjerisht i famshëm (për tifozët Blaugrana) 8-2 më 14 gusht 2020 deri në 0-3 më 26 tetor 2022, janë regjistruar 5 humbje radhazi për ekipin katalanas kundër atij bavarez. Ky i fundit, në këtë segment kohor, ka shënuar 19 gola mbresëlënës dhe ka pësuar vetëm 2.
Në 4 ndeshjet e fundit diferenca është edhe më e theksuar: 11 gola për Bayernin, 0 për Barçën. Katalanasit kanë qenë në pamundësi për të konkurruar në kushte të barabarta me një kundërshtar të mposhtur shpesh prej tyre në të kaluarën.
Të paktën deri në sezonin 2014-2015, viti i fundit i lumtur në Europë, kur MSN dhe bashkëlojtarët e tyre shkuan deri në finale (në të cilën fituan kundër Juventusit). Atë edicion, Barcelona mposhti Muller dhe bashkëlojtarët e tij në gjysmëfinale. 3-0 në ndeshjen e parë gjysmëfinale të atij viti përfaqëson triumfin e fundit katalanas ndaj bavarezëve.
Ja 11 ndeshjet e fundit zyrtare mes Barcelonës dhe Bayern Munich:
26.10.2022: Barcelona-Bayern Munich 0-3
13.09.2022: Bayern Munich-Barcelona 2-0
08.12.2021: Bayern Munich-Barcelona 3-0
14.09.2021: Barcelona-Bayern Munich 0-3
14.08.2020: Barcelona-Bayern Munich 2-8
12.05.2015: Bayern Munich-Barcelona 3-2
06.05.2015: Barcelona-Bayern Munich 3-0
01.05.2013: Barcelona-Bayern Munich 0-3
23.04.2013: Bayern Munich-Barcelona 4-0
14.04.2009: Bayern Munich-Barcelona 1-1
04.08.2009: Barcelona-Bayern Munich 4-0
