Manchester City raportohet se ka ofruar 150 mln euro për yllin e Real Madrid, Rodrygo.

Braziliani së fundmi nuk po kalon ditët e tij më të mira. Ai duket si i lënë në hije për shkak të shkëlqimit të yjeve si Vinicius Junior dhe Kylian Mbappe, të cilët kanë fituar më shumë vëmendje.

Sulmuesi, sidoqoftë, nuk ka dhënë asnjë sinjal largimi apo pakënaqësie, të paktën publikisht. Florentino Perez raportohet se e ka refuzuar ofertën e klubit anglez.

“Rodrygo na duhet për të ardhmen”, ka qenë përgjigjja e presidentit të Los Blancos.