Legjenda e Juventus-it, Gigi Buffon pret një përballje emocionuese këtë fundjavë mes Milan-it dhe bardhezinjve.

Buffon beson se do të jetë një takim spektakolar.

“Ne po shohim një sezon magjepsës me surpriza që e kanë bërë këtë fillim kampionati edhe më të veçantë”, tha Buffon për Sky Italia në prezantimin e Kings League.

“Shpresojmë që ky lloj ekuilibri të zgjasë sa më gjatë që të jetë e mundur, sepse ky pasion po ushqen gjithashtu interesin për kampionatin.

“Unë pres që të jetë një ndeshje shumë e mirë mes dy skuadrave që luajnë futboll të hapur dhe sulmues. Shpresoj që do të jetë po aq argëtuese dhe një reklamë e mirë për Serinë A sa ishte Inter-Juventus”.