Manchester City i ka vendosur një afat të fundit trajnerit Pep Guardiola për të marrë një vendim për një kontratë të re.
Tani për tani, marrëveshja e Guardiola-s do të përfundojë në fund të sezonit, megjithëse City kërkon t’ia rinovojë kontratën e trajnerit.
Relevo thotë se City tani ka vendosur një afat të brendshëm deri në të cilin katalanasi duhet të marrë vendimin e tij.
Klubi nuk dëshiron të ushtrojë presion mbi 53-vjeçarin, por dëshiron ta bëjë të qartë se duhet të fillojë planifikimi për sezonin e ardhshëm.
Vendimi do të merret në më 26 dhjetor, në mënyrë që drejtori i ri sportiv Hugo Viana të vendosë rrugën për të ardhmen e klubit.
Kjo përfshin gjithashtu negociata të rëndësishme për kontratë me lojtarë të tillë si Kevin De Bruyne (33) dhe Ilkay Gündogan (34), kontratat e të cilëve gjithashtu përfundojnë këtë verë dhe që sigurisht pritet të ndikohen nga vendimi i Guardiola-s.
