Te Barcelona janë ende të zhgënjyer për barazimin 2-2 ndaj Celta Vigo në kampionat, një ndeshje që katalanasit e kishin në dorë. Ata udhëhiqnin 2-0 deri 10 minuta nga fundit, kur një karton i kuq i Casados prishi gjithçka për Barçën.

“Ne kishim kontrollin e ndeshjes, por dalja me karton të kuq na dëmtoi shumë. Ata na shënuan në dy aksione… Goli i parë që pësuam ishte marrëzi”, tha Gavi, i rikthyer në fushë pas një dëmtimi të gjatë.

“Sot, me një lojtar më pak është e vështirë të marrësh tri pikët. Nëse humbet përqendrimin kjo është ajo që mund të ndodhë, u falëm pikët kundërshtarëve tanë. Jam i mërzitur, pasi janë dy pikë të hedhura dëm”, shtoi Gavi.