Episodi 56 i podkastit Versus sot mori 10 mijë shikime në Youtube që në 4 orët e para të publimit, teksa ka marrë (deri tani) 800 mijë shikime në rrjetet sociale.

Një nga temat e trajtuara në studio ishte ndeshja Milan-Juventus. Sipas gazetarit Anton Cicani, kjo ishte një nga ndeshjet më të mërzitshme në historinë e futbollit.

“Dukej sikur skuadrat kundërshtare pyesnin njëra-tjetrën ‘a do të sulmosh ti apo unë?’ dhe asnjëra nuk kthente përgjigje. Ishte një nga ndeshjet më të shëmtuara që kam parë në jetën time”.

“Ishte fiks si situata në rrugët e Europës. Kalimtari në trotuar pret makinën që të kalojë, kurse shoferi i makinës ndalon duke pritur kalimtarin”, tha Cicani.

“E ke gabim, sepse Juventusi ishte në rregull në logjikën e tij. Nuk i duhej fitorja. E ke parë Juventusin ti, apo nuk e ke parë? Kur bëmë parashikimet, thamë se ndeshja mund të dilte edhe barazim”.

“Më entuziasmuese do të ishte një ndeshje shahu, por Juventusi është në rregull. Juventusi ka 25 pikë. Milanit i duhej fitorja, kurse Juventusi nuk është se luajti keq”, ia ktheu Denis Hakanaj.