Lajme të këqija te Liverpool. Mbrojtësi Trent Alexander-Arnold ka refuzuar tri oferta të klubit për rinovim, duke u treguar i paqartë për të ardhmen.

Anglezi po joshet nga ideja për t’u transferuar te Real Madrid, klubi i tij i ëndrrave. Liverpool i ka ofruar rritje page dhe kontratë afatgjatë, por ai deri tani ka refuzuar.

Një gjë është e sigurt. Liverpool nuk heq dorë prej tij dhe nuk ka ndërmend ta shesë në merkaton e janarit. Klubi anglez po shpreson deri në ditët e fundit për të arritur deri te firma.