Sportdashësit nuk kanë asnjë dyshim se cili është programi sportiv më i ndjekur në Shqipëri e Kosovë.

Podkasti Versus tashmë ka nisur një epokë të re digjitale me suksesin e 7 muajve xhirime në studion e Telesportit.

Sot Versus arriti 70 milionë views në rrjetin social TikTok. Rrugëtimi ynë veçse ka filluar. Anton Cicani, Denis Hakanaj dhe Ndriçim Jaho do t’ju befasojnë me risi të tjera.

Këtë të diel, ora 20:00, për herë të parë në historinë e medias shqiptare, Versus do të xhirojë përballë një audience LIVE me dhjetëra tifozë dhe ndjekës të podkastit tonë në një bar në ish-Bllok.

Biletat u shitën qysh në 6 orët e para të njoftimit dhe skuadra jonë është gati për aksion. Debat, batuta, pyetje dhe përgjigje – të gjitha në një episod special për përmbledhjen e vitit 2024 në sport.

Menuja e këtij episodi për tifozët e pranishëm nuk do të jenë vetëm ushqimi dhe pijet. Skuadra Versus ka përgatitur disa surpriza për të kaluar një mbrëmje të paharrueshme.