Barcelona dhe Bayern janë dy klubet e interesuara për Luis Diaz. Sulmuesi anësor i Liverpool është i zhgënjyer nga klubi i tij, sepse ka pritur rritje të ndjeshme page dhe kjo ende nuk ka ardhur.

Ai po mendon largimin dhe Barcelona i pëlqen shumë si ide, kurse Bayern i duket si një plan B për të ardhmen. Barcelona ka kohë që ka nevojë për një lojtar në krahun të majtë, duke qenë se Nico Williams e refuzoi në verë.

27-vjeçari nuk do të jetë lojtar i lehtë për t’u blerë. Ai kushton rreth 85 mln euro, shifër tepër e lartë për momentin për katalanasit.

Problemet financiare të klubit pritet të zgjidhen pas 6 muajsh, kur të rijetëzohet situata me stadiumin e ri dhe me kompanitë e reja si sponsorë.