Ylli i Chelseat, Marc Guiu, ka marrë shumë vlerësime nga ish-lojtari i Chelsea-t, Joe Cole.

Ish-futbollisti foli për tregolëshin e Guiu në Conference League kundër Shamrock Rovers.

Ai shënoi të tre golat në pjesën e parë në një fitore 5-1, duke bërë që tifozët të bënin thirrje për përfshirjen e tij në ndeshjet e Premier League.

“Mendimi im për Mark Guiu është, si e la Barcelona të largohej?”, pyeti Cole në TNT Sports.

“Kur e shikoj duke luajtur, dhe ai është 18 vjeç, ky fëmijë, pas dy vitesh mund të jetë një numër 9 i pabesueshëm.

“Mendoj se ai mund të shkojë deri në fund, sepse unë e shikoj atë dhe të gjitha gjërat që nuk mund t’i mësosh ai i ka tashmë.

“Ai e di se kur të futet në zonën e rreptësisë, instinktet e tij, agresioni i tij, ai është i guximshëm.

“Ai mund të përmirësojë aspekte të tjera në lojën e tij. Dhe në moshën 18-vjeçare, ai po luan me një buzëqeshje në fytyrë, mendoj se Barcelona bëri një gabim të vërtetë”.