Eric Garcia, mbrojtësi i Barcelonës, duket se ka pak hapësira te skuadra katalanase. Kjo shihet qartë në ato pak minuta loje të luajtura këtë sezon, veçanërisht nën drejtimin e trajnerit Hansi Flick.

Gjatë sezonit vijues, ai ka luajtur vetëm 11 ndeshje në La Liga, me më shumë se 500 minuta në fushë, si dhe dy paraqitje të shkurtuara në Ligën e Kampionëve.

Kështu, ka pasur spekulime se ai mund të largohet në janar, me një ofertë të ardhur nga Newcastle, e cila është shqyrtuar nga drejtuesit e Barcelonës.

Megjithatë, Garcia ka vendosur që të qëndrojë te Barcelona dhe nuk dëshiron të largohet nga Katalonja. Edhe gjatë verës së kaluar, ai kishte marrë disa oferta nga klube si Girona e Porto, por Barcelona i kishte refuzuar.

Në këtë moment, ai vetë ka vendosur të qëndrojë, pavarësisht interesit të Newcastle.