Fëmija mrekulli i Barcelonës dhe kombëtares spanjolle Lamine Yamal ishte protagonisti i kopertinës së revistës “GQ” për muajin qershor. Në moshën 16-vjeçare (ai mbush 17 vjeç më 13 korrik) anësori i djathtë i ekipit “blaugrana” ka përjetuar një rritje meteorike këtë sezon, por presioni nuk ka munguar asnjëherë. Sidomos nga shtypi.
“Një ditë të bëjnë të dukesh si Messi i ri dhe, të nesërme, ata të thonë se duhet të ndalosh së luajturi. Kështu që, gjëja më e mirë për të bërë është të përqendrohem në gjërat e mia dhe punën time, duke menduar vetëm për atë që më thotë trajneri. Ai dhe shokët e skuadrës janë ata që duan të të ndihmojnë me të vërtetë”, tha Yamal.
Duke folur për sezonin me Barçën, ai tha: “Unë kisha pritshmëri të mëdha, sepse te Barça është e vështirë të mos fitosh asnjë titull. Mendoj se kemi pasur shumë ulje-ngritje, veçanërisht në La Liga. Për të fituar trofe, kudo që luajtëm, duhet të jesh konstant dhe kjo është ajo që na mungonte. Fakti që nuk fituam asgjë më ul vlerësimin të jem i sinqertë”.
“Ditën e parë që u stërvita me ekipin e parë te Barcelona, lashë çantën e shpinës në karrigen që më kishin dhënë, sepse ne të rinjtë nuk kishim dollap. Mbatha këpucët dhe shkova në palestër, sepse nuk doja të isha atje, më vinte turp”, kujton Lamine Yamal për ditën e parë me ekipin e të rriturve.
Sulmuesi do të luajë për herë të parë në një Europian: “Jemi shumë të emocionuar sepse në fund jemi të gjithë shumë të rinj. Për shumë prej nesh është kampionati i parë europian. Jam shumë i emocionuar që mund të luaj me kombëtaren time dhe të jap më të mirën. Shpresoj të fitoj”.
