Chelsea dhe Manchester United janë duke u përballur në kuadër të javës së 37-të të Premier, në një sfidë mjaft të rëndësishme për blutë që luftojnë për një vend në Ligën e Kampionëve. Një moment i diskutueshëm ndodhi në minutën e 29-të, kur sulmuesi i United, Rasmus Hojlund, preku topin me dorë brenda zonës.
Futbollistët e Chelseat reaguan menjëherë, duke kërkuar penallti, por gjyqtari i takimit vendosi të mos sinjalizojë asgjë, ndërkohë që edhe VAR-i nuk ndërhyri. Kjo situatë shkaktoi protesta të ashpra nga lojtarët e Chelseat, të cilët e konsideruan vendimin si të padrejtë.
Pamjet e përsëritura duket se tregojnë qartë kontaktin me dorë, duke ngritur dyshime të mëdha për mungesën e ndërhyrjes nga teknologjia.
Tifozët në rrjetet sociale janë të zemëruar, ndërsa shumë prej tyre e kanë quajtur këtë ngjarje si “vjedhja e sezonit”, duke vënë në pikëpyetje besueshmërinë e sistemit VAR në Angli. Pjesa e parë mes Chelseat dhe Manchester United në “Stamford Bridge” ka përfunduar 0-0.
Edhe Harry Maguire shënoi golin e parë kundër Chelseat në Stamford Bridge për ta çuar Manchester Unitedin në epërsi 1-0 në pjesën e parë. Fatkeqësisht, ai u konsiderua në pozicion jashtë loje mezi për një milimetra në atë që ishte një vendim zemërthyes për vizitorët.
Tani, Liga Premier ka lëshuar deklaratën e mëposhtme, duke sqaruar vendimin e tyre: “VAR kontrolloi vendimin e gjyqtarit për golin – dhe përcaktoi që Maguire ishte në pozicion jashtë loje dhe rekomandoi që goli të anulohej”.
