Lajmi i ditës në Gjermani është ndarja e bujshme e Borussia Dortmund nga Edin Terzic. Më pak se dy javë pas humbjes në finalen e Ligës së Kampionëve ndaj Real Madridit, trajneri gjerman dha dorëheqjen pas tre vitesh e gjysmë.

Një periudhë në të cilën përveç Kupës me veshë të mëdhenj, ai iu afrua edhe fitimit të Bundesligës 2022/23, duke humbur në ditën e fundit nga Bayern Munich.

Një lamtumirë e përcaktuar mbi të gjitha nga marrëdhënia e tij e vështirë me disa senatorë (Hummels dhe Reus mbi të gjitha) dhe kjo ishte padyshim arsyeja kryesore e lamtumirës. Tani, verdhezinjtë duhet të gjejnë një trajner të ri dhe sipas Bild ata e kanë gjetur tashmë: drejtuesit kanë vendosur t’i besojnë Nuri Shahin, zëvendësit të Terzicit.

Do të dukej vetëm çështje kohe: sot në selinë e klubit pritet agjenti i ish-mesfushorit, Reza Fazeli për të mbyllur marrëveshjen. Në moshën 35-vjeçare, ish-lojtari i Borussia Dortmund dhe Real Madrid do të promovohet dhe do të ketë Sven Bender, një tjetër legjendë e BVB-së, si zëvendës të tij.

Borussia Dortmund mendon se Nuri Sahin mund te ndjeke gjurmet e Xabi Alonsos dhe idete e tij jane moderne dhe eshte fryme e trajnerëve të rinj qe jane duke u zhvilluar.