Samuel Mbangula është rrugës për në Werder Bremen. Mediat italiane konfirmojnë se klubi gjerman ka arritur një marrëveshje bazë me Juventus për blerjen e lojtarit.
Marrëveshja, me vlerë 10 milionë euro plus bonuse, është drejt përfundimit dhe anësori 21-vjeçar pritet të largohet për në Gjermani në orët e ardhshme.
Mbangula ka luajtur dy sezonet e fundit në Itali, fillimisht me Juventus Next gen dhe sezonin e kaluar me skuadrën e parë. Me bardhezinjtë ai realizoi 3 gola në kampionat ne 23 ndeshje.
Gjithsesi, duket se lojtari nuk bën pjesë në planet e trajnerit Igor Tudor, ndaj klubi vendosi ta largojë edhe pse ka një kontratë deri në vitin 2028.
