Dortmund dhe Juventus u përballën mes tyre në një miqësore të luajtur në “Signal Iduna Park”, ku bardhezinjtë fituan 1-2. Stadiumi ishte i tejmbushur, edhe pse ishte thjesht një nddeshje miqësore.

Protagonisti kryesor i takimit ishte Andrea Cambiaso, i cili shënoi gy golat e fitores për bardhezinjtë. Goli i parë erdhi në minutën e 15-të, pas një krosimi në zonë të Pierre Kalulu, Cambiaso shtyu topin në rrjetë. Pjesa e parë u mbyll me shifrat 0-1. SHIKOGOLIN1

Në fillim të pjesës së dytë ishte sërish Cambiaso që dërgoi topin në rrjetë me një goditje të fuqishme, pas asistit të marrë nga Kenan Yildiz. SHIKOGOLIN2 Në fund të kohës së rregullt, verdhezinjtë ngushtojnë shifrat me golin e Maximilian Beier, i cili shënoi pas një veprimi të bukur brenda zonës. Rezultati përfundimtar, 1-2 për bardhezinjtë. SHIKOGOLINEBEIER

Ajo që e bëri më të veçantë këtë ndeshje, ishte lamtumira përfundimtare nga futbolli e Matts Hummels. 36-vjeçari u rikthye për një ndeshje të fundit para tërheqjes nga futbolli, duke qenë kapiten i Dortmundit për herë të fundit. Sigurisht që në momentin e zëvendësimit, u përcoll me duartrokitje të shumta nga tifozët.