Lajmet që vijnë nga Spanja i bëjnë tifozët e Milanit të dridhen, tashmë në mosmarrëveshje të hapur me klubin: Bayern Munich një marrëveshje me Theo Hernandez për transferimin e mbrojtësit 26-vjeçar francez në Bundesligë, merkaton e kësaj vere.

Bavarezët, të cilët duket se janë të destinuar të humbasin Alphonso Davies (në drejtim të Real Madridit), e kanë patur vëmendjen tek anësori i Milanit prej disa kohësh, pasi kishin në radhët e tyre edhe vëllain e tij, Lucas, tani te PSG.

Këtë e raporton me vendosmëri “Mundo Deportivo”, e cila flet për një marrëveshje në parim të gjetur tashmë mes Bayernit dhe Theo Hernandez, pavarësisht një kontrate të vlefshme deri në vitin 2026 dhe deklaratave të qëllimit të francezit.

Për gazetën spanjolle, Theo, edhe para Leaos, mund të jetë lojtari i sakrifikuar për të mbledhur para dhe vazhduar ristrukturimin e skuadrës së kuqezinjve në verë, e cila filloi më 2023 me shumë nënshkrime mes mesfushës dhe sulmit.

Për interesa të gjeo-lokalizuara, në Spanjë e lidhin këtë interes të rinovuar dhe përshpejtim të papritur të bavarezëve edhe me marrëveshjen që do të dërgonte Alphonso Davies te Real Madridi. Në moshën 23-vjeçare, anësori kanadez nuk ka pranuar ta rinovojë kontratën e tij që skadon më 2025, duke shtyrë drejt Real Madridit.

Një opsion që Bayerni do ta vlerësojë vetëm pasi të ketë identifikuar një zëvendësues të përshtatshëm, siç është Theo Hernandez. Sërish sipas “Mundo Deportivo”, Manchester United, Chelsea dhe Al Hilal janë gjithashtu ndër klubet e interesuara për Theo Hernandez, ndërsa përsërit preferencën e anësorit për transferimin në Bavari.