Fjalët e Gleison Bremer nga kombëtarja e Brazilit pas eliminimit nga Copa America, në lidhje me një largim të mundshëm, i bënë tifozët e Juventusit të shqetësuar: “E ardhmja ime? Kam lexuar për interesimin e disa skuadrave dhe është mirë të di që klubet me kaq shumë histori po më ndjekin”.

“E vërteta është se unë do të flas për këtë me agjentët e mi pas Kupës së Amerikës. Unë jam tashmë në një klub të madh, jam i fokusuar te sezoni i ri dhe do t’ia lë çështjen agjentëve të mi”, tha më tej mbrojtësi brazilian, për të cilin është interesuar skuadra e Manchester United.

Më tej, Bremer i hap dyert trajneri të ri Thiago Motta, duke konfirmuar dëshirën e tij për të qëndruar te Juventus: “Ai do të pritet mirë nga dhomat e zhveshjes, do të bëj çmos për ta ndihmuar atë të përshtatet sa më shpejt të jetë e mundur. I gëzuar i uroj atij gjithë fatin në botë, këto janë gjëra normale në futboll: kam mësuar shumë prej tij dhe jam i sigurt se ai do të vazhdojë të jetë i suksesshëm”.

“Bilanci i sezonit të kaluar është pozitiv, sidomos në fazën e parë, ku ne dolëm shumë mire. Nga janari humbëm disa pikë gjatë rrugës në kampionat, duke mos arritur të luftonim për titullin, por ne fituam Kupën e Italisë, që e merituam. Pak nga pak po e ndihmojmë Juventusin të bëhet sërish protagonist, shpresoj që të jetë një vit gëzimi i madh për ne dhe për tifozët”, tha Bremer.