Lamine Yamal, talenti i Barcelonës dhe një nga yjet e kombëtares spanjolle në “Euro 2024”, pavarësisht se është 16 vjeç, ka dhënë një intervistë për programin “El Chiringuito”, në të cilën ka folur për lidhjen e tij të veçantë me Nico Williams. Ai ka analizuar shkallën e tij të adhurimit të Barcelonës dhe ka vendosur nëse do të nënshkruajë për Real Madridin në të ardhmen.
Lamine Yamal shprehu edhe një dëshirë: “Sigurisht, do të doja që Nico Williams të ishte te Barcelona, të gjithë duan të luajnë me miqtë e tyre. Ne kemi shumë shije të përbashkëta, pozicionet tona janë të ngjashme dhe na pëlqejnë të njëjtat gjëra. Kemi një stil të ngjashëm loje. Kur jemi larg kampit stërvitor, gjithmonë flasim në WhatsApp. Ka një atmosferë shumë të mirë mes të dyve”.
Gazetari e pyeti Lamine Yamal drejtpërdrejt se “sa herë keni bërë shaka për Nico Williams, që luan me ju (në Barcelonë) sezonin e ardhshëm?” “Ne bëjmë shaka të panumërta. Bëjmë shaka për gjithçka. Seriozisht, në momentet e së vërtetës, flasim për marrëzi. Ne pothuajse nuk flasim kurrë për futboll”, – u përgjigj lojtari i ri i Barçës.
A do të dëshironte që Nico Williams të ishte pjesë e Barcelonës, sezonin e ardhshëm? Ja si përgjigjet talenti 16-vjeçar: “Sigurisht që po. Të gjithë do të dëshironin të luanin me miqtë e tyre në një ekip. Shpresoj që po”.
I pyetur për idhullin e tij te Barcelona, futbollisti i ri i ka gjërat të qarta: “Gjithmonë kam thënë se Leo Messi është lojtari më i mirë në histori, por ai që më pëlqente të luaja me të ishte Neymar”.
“Të fitoj ‘Topin e Artë’? Është ëndrra e çdo lojtari. Shpresoj të arrij të garoj, të jem në ‘top 3’ do të ishte një ëndërr”, – tha Lamine Yamal për objektivat në të ardhmen.
Lamine Yamal ishte i qartë kur u përgjigj nëse është ai profili i ‘culé’, që do të thoshte: Unë kurrë nuk do të luaj për Real Madridin. “Po”, – u përgjigj prerë.
