A e ka humbur Reali luftën për titull? Solari habit: Absolutisht…

17 Shkurt 2019
15:22
back button

Në fund të ndeshjes së humbur 1-2 ndaj Girona, trajneri i Real Madrid, Santiago Solari është ndalur të flasë për mediet, teksa analizoi ndeshjen dhe dha vlerësimet e tij për kampionatin.

Në fjalën e tij Solari tha se në pjesën e parë skuadra nuk depërtoi thellë për të dyfishuar shifrat, pas golit të Casemiro. Ndërsa në të dytën ai shpjegoi se ekipi i tij humbi energji dhe se kundërshtari bëri një pjesë të dytë shumë të mirë.

I pyetur për paraqitjen e Marcelo, Solari tha se ishte mirë, ndërsa kur u pyet në lidhje me gabimin e brazilianit në golin e dytë të pësuar, shpjegoi se loja luhet në grup dhe jo individuale, duke mos ia lënë atij fajin për golin

Pavarësisht humbjes trajneri nuk dorëzohet kur u pyet nëse janë dorëzuar në luftën për titull: "Absolutisht Jo”, theksoi ai.

"Ne do të vazhdojmë të luftojmë në tri fronte që janë ende të hapura, fundjavën tjetër kemi një tjetër ndeshje dhe gjithashtu do të jetë e vështirë, të gjitha janë, nuk ka rëndësi se ku qëndrojmë në renditje. Do vazhdojmë të përpiqemi të fitojmë në përpjekje për të shkurtuar diferencën”, vijoi më tej trajneri i Real Madridit.

Lajme të tjera

Lajmet e fundit