Eric Abidal është pjesë e kursit të tretë të menaxhimit sportiv të realizuar nga FIFA. Ish-drejtori sportiv i Barcelonës dëshiron të zgjerojë njohuritë e tij. Megjithëse e mbyll derën e kthimit në klubin e Barçës, ai nuk humb detajet e asaj që po ndodh në ish-ekipin. Abidal foli me “MARCA” në selinë e FIFA-s dhe rishikoi lajmet për Barcelonën, Xavin, Mbappen, finalen e Ligës së Kampionëve…
Erdhi finalja e Champions League dhe të gjithë flasin për Real Madridin si favorit të madh…
Shpresoj të jetë një lojë e bukur, me shumë gola. Ne i njohim dy klubet, me mentalitete të ndryshme, por në një ndeshje të Champions League mund të ndodhin shumë gjëra. Është e vërtetë që Real Madridi është favorit, por ka shumë vite që është favorit në këtë kompeticion. Gjermanët, të cilët janë shumë të organizuar, sigurisht që po e përgatisin ndeshjen në një mënyrë krejt tjetër, me një objektiv shumë të qartë, për të qenë në gjendje të fitojnë, duke e ditur se është e vështirë. Si një tifoz futbolli dua të shoh një lojë të mrekullueshme dhe me sa më pak ndalesa të VAR-it. Mund të themi gjithmonë se ka një favorit në bazë të eksperiencës së mëparshme, këtë e tregojnë edhe statistikat, por jam i bindur që në një ndeshje mund të ndodhin shumë gjëra. Me siguri gjatë garës menduam se do të mbërrinte ky apo një tjetër ekip në finale. I pari që mendoi se PSG do të mbërrinte deri këtu isha unë, por gabova.
Mbappé nuk do të luajë më në Ligue 1…
Ndryshimi nuk ishte një vendim i lehtë, duke qenë se flasim për lojtarin më të mirë francez, i rehatuar në kryeqytetin parizien prej kaq shumë vitesh. Duke luajtur me PSG ishte shumë përfaqësues për vendin. Edhe presidenti i republikës tentoi ta bindte lojtarin. Imagjinoj që nuk ka qenë një vendim i lehtë për të, por tani mund të përmbushë ëndrrën e tij në një ekip tjetër, në një vend tjetër, duke fituar trofe me peshë. Në fund ajo që mbetet janë trofetë. Ai tashmë ka fituar trofe, por jo në nivel ndërkombëtar me klubet (të gjithë duan të fitojnë Ligën e Kampionëve). Do të jetë një hap i mirë për të, shpresoj të jetë një hap i madh te Real Madridi. Trajneri Ancelotti e di se çfarë i duhet secilit lojtar, me çfarë sistemi do të luajë. Do të jetë një forcë sulmuese, është një skuadër shumë e fuqishme në sulm, por me një lojtar si Kylian do të bëhet edhe më e papërmbajtshme.
Tani është koha për të folur për Barcelonën dhe Xavin…
Gjë e komplikuar. Njerëzit kujtojnë vetëm rezultatet, kohët e fundit katalanasit ishin në një situatë më të vështirë, më kritike. Pastaj kishte diçka pozitive për të ndodhur në Ligën e Kampionëve, pastaj një fatkeqësi. Duhet t’iu besosh njerëzve që janë aty, edhe pse situata financiare nuk është si më parë. Mendoj se situatat e vështira të bëjnë të marrësh vendime më të mira, me më shumë kujdes.
A e kuptoni Xavin?
Unë nuk jam brenda klubit, kështu që nuk di asgjë për vendimet që merren në mënyrë private. Ai tha në fillim të këtij viti se në fund të sezonit do të largohej, pastaj ndryshoi mendje, sepse me siguri e kishte parë potencialin e ekipit dhe çfarë mund të bënte. Vetëm ai dhe njerëzit në klub e dinë se për çfarë kanë biseduar. Tani klubi mori një vendim tjetër që është i ndryshëm, vetëm e ardhmja do të na tregojë nëse ishte i mirë apo i keq. Si trajner bëri një punë të shkëlqyer, nuk ishte e lehtë. Ishte “me fat”, pa dashur ta quaja fat, që kishte një brez të madh lojtarësh të rinj, të cilët bënë diferencën. Ata ishin shumë të rëndësishëm brenda skuadrës, Gavi, Pedri, Ronald, Lamine, diferencën e shihje kur luanin dhe kur jo. Kjo jep shumë mundësi për të ardhmen e klubit, duke e ditur se ata janë pothuajse të përgatitur për ekipin e parë. Mendoj se kjo e ndryshoi idenë e Xavit për t’u larguar. Ju mësoni nga situatat e vështira.
A po mendoni të ktheheni në Barcelonë?
Jo, jo, unë kam kaluar tashmë atje dhe kam parë atë që kam për të parë. E dua këtë punë, njerëzit që më njohin e dinë se si jam sjellë ballë për ballë me lojtarët. Secili ka një imazh, mendoj se bota e futbollit është e komplikuar, ka shumë interesa. Interesi im është që lojtari të rritet dhe të përpiqem të bëj më të mirën për klubin. Tani ka projekte të tjera, duhet të jesh i durueshëm, të vazhdosh stërvitjet, të mësosh të rejat më të fundit.
