Ai kushtoi 93 milionë euro për arkat e klubit të Manchester United, por shihet si shtylla e mbrojtjes së kësaj skuadre për më shumë se pesë vitet e ardhshme. Njëlloj Van Dijk në “Old Trafford”, nën shembullin e holandezit që “ngriti traun” te Liverpool dhe bëri që skuadra e Klopp të fitonte Champions-in. E meqë jemi te ky krahasim, Harry Maguire e theu rekordin e gjigantit të Liverpool, sa i takon shumës së transferimit të një mbrojtësi, në histori. 

Për ta evidentuar këtë me kënaqësi, “Djajtë e Kuq” kanë shpërndarë një video nga ndeshja Manchester United-Chelsea 4-0, e para e këtij kampionati për të dyja skuadrat, debutuese për Maguire me ekipin e ri. Në të janë përmbledhur momentet më të mira; spastrimet e zonës, dyluftimet e fituara ajrore, gjithçka tjetër në fushën e blertë, që tregojnë se mbrojtësi në fjalë i meriton 87 milionë eurot e shpenzuara për të. Si fillim, 26-vjeçari e kaloi me sukses “nusërimin” para tifozëve të Manchester United. 

Madje, ai u përfshi në top-formacionin e javës së parë të Premier Leaguie nga legjenda e futbollit anglez, Alan Shearer. “Harry Maguire është një kolos”, – është diçitura shoqëruese e videos në faqen e klubit nga “Old Trafford”. A jeni edhe ju dakord me këtë konkluzion, vetëm pas një ndeshjeje? Mund të jeni më të qartë për përgjigjen, pasi të shihni këto momente nga loja, më poshtë…