Hiba Abouk dha një intervistë në podcast-in, “A solas con Vicky”. Në intervistë, aktorja ka folur për tema të ndryshme, duke përfshirë edhe atë që ka të bëjë me divorcin nga ish-bashkëshorti i saj, futbollisti Achraf Hakimi. Momente shumë të dhimbshme për të, siç zbulohen në intervistë, me një dhimbje ende të perceptueshme: “Unë jam diskrete për jetën personale. Është një zgjedhje që e bëra për të qenë e lirë, për ta mbajtur jetën time larg syve të publikut. Jeta ime është vetëm e imja”.

Dhe pikërisht për këtë nevojë, aktorja vuajti shumë. Viti i fundit nuk ka qenë i lehtë për të. Ish-burri i saj, futbollist i Paris Saint-Germain, u raportua për përdhunim të dyshuar. Një kapitull që sipas fjalëve të aktores “është i mbyllur”: “Kam kaluar vitin më të keq të jetës, por është mbyllur. Prioriteti im në jetë janë gjithmonë fëmijët. Unë marr vendime për ata dhe vetëm ata”.

Për martesën e saj, Hiba ishte e qartë, duke nënvizuar se nuk ishte e lehtë t’i jepte fund lidhjes me Hakimi: “Si dilni nga një histori e tillë? Duhet ta mendoni gjatë, duke diskutuar shumë me veten dhe partnerin, padyshim. Tradhtia e vret dashurinë. Do ta falja gabimin dhe e kam bërë më shumë se një herë.

Bëjmë shumë gabime, por është e vështirë të falësh, sepse duhet të punosh shumë për veten. Kam kaluar një kohë shumë të vështirë, sepse nuk donim që gjithçka të dilte në media. Përkundrazi, kjo ndodhi. Kam pasur momente shumë të vështira, isha e lodhur fizikisht. Ishte një vendim shumë i vështirë për mua, sepse lashë çdo gjë për familjen time.

Dhe familja ime u shkatërrua. Lashë burrin, rifillova profesionin, mora fëmijët e mi, u ktheva në Madrid për të jetuar. Nuk pata fat me burrat, vetëm zhgënjime, por dashurisë nuk i vjen kurrë fundi. Ende besoj se mund të vijë dikush që është dashuria e jetës sime.

Fëmijët e mi ma zbukurojnë jetën. Mësimi më i madh është dashuria e pafund që ndjen për ta. Unë nuk e njoha dashurinë e vërtetë derisa ata linden. Atëherë kuptova se mund të jepni edhe jetën tuaj për fëmijët”.