Ndarja mes Álvaro Morata dhe Alice Campello vazhdon të përflitet. Të dy vazhdojnë të dërgojnë mesazhe përmes rrjeteve të tyre sociale, por gjithsesi, pa lënë asgjë të qartë se çfarë ka ndodhur. E fundit, një postim që influencuesja italiane e ka ndarë përmes Instagram-it, me një mesazh që do t’i habisë të gjithë.

Campello dhe Morata kanë pasur një lidhje shumëvjeçare, gjatë së cilës kanë sjellë në jetë edhe katër fëmijë. Janë dy foto që Alice i ndau në Instagram, ku tregon një nga katër fëmijët e saj, shoqëruar me mesazhin: “Stacioni im i ri”.

Italianja shihet e buzëqeshur me një nga fëmijët e saj në një restorant, duke shijuar një vakt të qetë nën shoqërinë e një prej mikeshave të saj, e cila ka shpërndarë edhe një foto tjetër, në të cilën i ka dhënë një parfum influencueses. Në këtë mënyrë, Campello tregon djalin e saj, siç nuk e ka bërë kurrë më parë, me buzëqeshje nga veshi në vesh, duke shijuar momentet që i jep jeta me të birin.

Si Morata, ashtu edhe Alice kanë ndryshuar llogaritë e tyre në Instagram, duke ndryshuar fotot e paraqitura. Italianja ka qenë gjithmonë shumë aktive në publikimin e imazheve me sulmuesin spanjoll, por së fundi ka ndryshuar kurs në këtë rrjet social. Postimi i fundit me djalin e saj kanë nxitur gazetarët të aludojnë për fundin e martesës së saj.

Përveç kësaj, të dy kanë ndryshuar përshkrimet e tyre në rrjetin social në fjalë. Me pak fjalë, çifti vazhdon të dërgojë mesazhe përmes rrjeteve sociale, duke e bërë këtë ndarje një nga kryelajmet e deritanishme në vitin 2024.