Leonardo bën gjithçka për të bindur Massimiliano Allegri që të pasojë Thomas Tuchel në stolin e PSG, por drejtori sportiv i klubit parizien mund të ishte sfiduar nga Manchester City. Në fakt, nuk është më sekret që bashkëjetesa midis Leonardo dhe Tuchel është shumë e komplikuar, pasi trajneri gjerman ka vënë në pikëpyetje publikisht menaxhimin e italo-brazilianit në merkaton e verës.
Siç zbulohet nga “le10sport.com”, në planet e ish-trajnerit të Interit dhe Milanit, Massimiliano Allegri do të ishte njeriu ideal për të zëvendësuar ish-trajnerin e Borussia Dortmund në stolin e PSG. Tani për tani, ish-trajneri i Juventusit është ende pa një skuadër, por situata mund të ketë qenë ndryshe. Manchester City, para rinovimit të Pep Guardiolës deri më 2023, po mendonte të rekrutonte Massimiliano Allegri si pauses të katalanasit. Drejtuesit e “Citizens” madje e admironin profilin e trajnerit italian. Me rinovimin e Guardiolës në “Etihad”, mundësia që ta shohim Massimiliano Allegri duke zbarkuar në Paris është ende e hapur.
