Sipas italianes “La Gazzetta dello Sport”, ditën e djeshme, Luis Campos i ka ofruar Massimiliano Allegri-t stolin e PSG-së. Përgjigjja e italianit ishte e prerë… Në mediat sociale qarkulloi një foto e Allegri-t me Campos-in. Palët siguruan se ishte thjeshtë një foto dhe nuk kishte diçka më shumë.
Megjithatë, “La Gazzetta dello Sport” pohon se pati diçka me shumë se një foto e zakonshme. Menaxheri i ri i PSG-së po kërkon një trajner të profilit të lartë. Zinedine Zidane i ka refuzuar dhe për momentin po shikohen alternativa të tjera.
Francezët do i ofronin Allegri-t 12 milionë euro neto në sezon për të kaluar në krye të stolit të tyre. Një page më e lartë se ajo që përfiton te Juventus-i. Por ai e refuzoi. Juventus dhe Allegri po punojnë intensivisht për merkaton verore, pas një sezoni zhgënjyes që u mbyll pa asnjë trofe.
Ka një marrëdhënie solide mes Max Allegrit dhe Juventusit, të dyja palët janë të prirura për të sqaruar. Ai bazohet në një kontratë të gjatë, që skadon në 2025, dhe një mandat që verën e kaluar kishte parashikuar tashmë një sërë hapash të ndërmjetëm të nevojshëm për të ndërtuar një cikël të ri fitues, siç dëshiron ADN-ja e klubit. Megjithatë, vjen nga një sezon zhgënjyes, pa trofe dhe me pak siguri për të ardhmen.
Pa Dybalan dhe Chiellinin, prioriteti në treg është një tjetër kampion i sprovuar (Di Maria?) së bashku me Pogba për të sjellë më të rinjtë në kapërcim në cilësi. Por ngërçi për argjentinasin dhe alternativat larg identikit e kanë bërë trajnerin të paduruar.
