Trajneri i Real Madridit, Carlos Ancelotti ka thënë se Arrigo Sacchi dhe Sven Goran Eriksson ishin dy ndikimet e mëdha në karrierën e tij.

Ancelotti tani konsiderohet një nga më të mirët në histori pasi udhëhoqi Real Madridin drejt fitores në Champions League dhe LaLiga sezonin e kaluar.

Ai tha në eventin ‘Mexico Siglo XXI’:

“Nuk kam menduar gjithmonë të bëhem trajner. Një ditë në Milano, Sacchi më tha ‘ditën që do të ndalosh së luajturi do të doja që të ishe asistenti im’. Ai ishte një gjeni futbolli.

“Ai ndryshoi metodologjinë. Ai ishte një mësues i madh. Më dha shumë, si Eriksson. E rëndësishme është njohuria. Kur fillon nuk ke përvojë.

“Nuk mund ta blesh. Vjen me kohë. Pasioni dhe kurioziteti janë të rëndësishëm. Gjithmonë ka diçka që mund të mësosh”.

Për qasjen e tij të qetë ndaj menaxhimit, Ancelotti tha gjithashtu:

“Duhet të jesh gjithmonë pozitiv në stol sepse duhet të flasësh me lojtarët. Nuk është e vërtetë që jam gjithmonë i qetë. Zemërohem rrallë, por kur e bëj çmendem shumë. Kali ka dy mënyra për të kërcyer: me kamxhik ose me karotë.

“Kërcen në të dyja mënyrat. Duhet të zgjedhësh. Nëse e godet me kamxhik, mund të të rrëzojë, nëse e nxit me karotë, të ndihmon”.