Bordi drejtues i Al-Arabi ka denoncuar në stacionin e policisë në Adliya, kryeqytetin e Kuvajtit, gjyqtarin italian Fabio Maresca, duke e akuzuar atë se ka kërcënuar me vdekje futbollistin Khaled Al-Murshed.
Adnan Mahmoud Abel, një anëtar i bordit të drejtorëve të klubit, zbuloi se ankesa ishte depozituar kundër arbitrit italian pas ndeshjes kundër Kuvajtit SC, ku pretendohen kërcënimet me vdekje ndaj lojtarit. Adnan Mahmud tha se Khaled Al-Murshed kishte dëgjuar nga goja e arbitrit italian frazëën “unë do të të vras”.
Menaxheri nënvizoi se ky kërcënim vërtetohet me video: “Le të marrë përgjegjësinë secila palë për sjelljen e këtij lloji arbitri në stadiumet tona dhe le të kuptojnë të gjithë se sporti është para së gjithash etikë”.
Ndeshja përfundoi me fitoren 2-0 të Kuvajt SC kundër Al-Arabi, në javën e 6-të të kampionatit të Kuvajtit. Ishte një përplasje për kreun, duke qenë se dy skuadrat mbajnë vendin e parë dhe të dytë në klasifikimin aktual.
Sipas asaj që raportohet nga “Corriere dello Sport”, nga Kuvajti nuk ka mbërritur asnjë ankesë në Federatën Italiane të Futbollit dhe AIA, madje nuk është dërguar as raporti që shoqëronte performancën e një arbitri të ftuar nga Italia për të bërë drejtësi në këtë ndeshje.
