Mungon vetëm zyrtarizimi, gjë që do të ndodhë me siguri direkt në fund të sezonit, por Alexander Arnold tashmë dihet që do të transferohet në verë si lojtar i lirë te Real Madrid.

Te Liverpool janë pajtuar tashmë me këtë gjë dhe po shyrtojnë opsionet e mundshme për të gjetur një zëvendësues të denjë për Arnold. Arne Slot pëlqen shumë Andrei Ratiu, mbrojtësin rumun që po bën një sezon fantastik në La Liga me Rayo Vallecano-n.

Slot beson se mbrojtësi rumun është i përshtatshëm për sistemin e tij dhe klubii kuq ka nisur lëvizjet e duhura për të siguruar shërbimet e 26-vjeçarit. Megjithatë, Liverpool nuk është i vetëm në garën për mbrojtësin e Rayo Vallecano-s. Interesim serioz për Ratiu ka shprehur edhe Barcelona, po ashtu rumuni është edhe në listën e merkatos së Bayer Leverkusen.

Duke përfituar nga interesi i shumë për lojtarin e tyre, Rayo Vallecano është e gatshme të heq dorë prej tij për një shifër rreth 30 milionë euro.